Túrkııadaǵy narazylyq: 1 100-den astam adam ustaldy

ASTANA. KAZINFORM –  Túrkııada 19 naýryzdan beri jalǵasyp jatqan narazylyqtar kezinde 1 133 adam ustaldy. Bul týraly eldiń ishki ister mınıstri Alı Erlykaıa málimdedi, dep habarlaıdy DW.

Турция
Фото: yaylahaber.com.tr

Túrkııanyń medıa jáne quqyqty zertteý qaýymdastyǵy (MLSA) málimetinshe, ustalǵandar arasynda on fotograf pen jýrnalıst bar.

Euronews habarlaýynsha, DİSK Basın İş kásipodaǵy keminde segiz korrespondent pen fotojýrnalıstiń ustalǵanyn málimdedi.

- Jýrnalısterdi únsiz qaldyrý arqyly shyndyqty jasyra almaısyńdar! – delingen kásipodaqtyń X áleýmettik jelisindegi málimdemesinde. Uıym baspasóz ókilderin dereý bosatýdy talap etti.

Buǵan deıin Stambýl meri Ekrem Imamoǵlý ustalǵany týraly habarlanǵan bolatyn. Ol jemqorlyq jáne terrorlyq uıymdardy qoldaý aıyptary boıynsha tergelip jatyr.

Osy oqıǵadan keıin Túrkııanyń ulttyq valıýtasy – lıra qunsyzdanyp, tarıhı mınımýmǵa jetti.

Stambýlda barlyq mıtıngiler men sherýlerge tyıym salynǵanyna qaramastan, narazylyqtar eldiń birneshe provıntsııasynda jalǵasyp jatyr.

23 naýryzda Ekrem Imamoǵlý Túrkııa prezıdenttigine kandıdat retinde usynyldy.

Сейчас читают