Túrkııadaǵy demalys ornynda taǵy da qonaqúı órtendi

ASTANA. KAZINFORM – Antalııanyń tarıhı Kaleıjı aýdanyndaǵy qonaqúı órtke orandy. Bul týraly DHA agenttigi habarlady. 

Oqıǵa Kaleıdjı tarıhı aýdanyndaǵy Selchýk Mahallesi Uzyn Karsy kóshesinde saǵat 12:00 shamasynda bolǵan. Jalyn 3 kásiporyndy sharpyǵan, sonyń biri – qonaqúı.

Habarlama boıynsha, bul aımaqqa kóptegen órt sóndirý brıgadasy jiberildi. Ekıpaj músheleri tarıhı aýdandaǵy órttiń aımaqtaǵy basqa ǵımarattarǵa taralýyn boldyrmaý úshin baryn salyp jatyr. 

Eske salsaq, budan buryn Túrkııanyń Marmarıs qalasynda ornalasqan bes juldyzdy qonaqúı órtenip, 6 adam aýrýhanaǵa túsken bolatyn. 

Sondaı-aq 2025 jyldyń basynda qańtar aıynda Túrkııadaǵy Grand Kartal qonaqúıi qyzyl jalynǵa oranǵan edi.