Túrkııada jyl sońyna qaraı ınflıatsııa tómendeıdi - sarapshylar

ANKARA. QazAqparat – Ekonomısterdiń boljamynsha, bıylǵy jazdyń basynan Túrkııadaǵy ınflıatsııa deńgeıi tómendeı bastaıdy, dep habarlaıdy QazAqparattyń menshikti tilshisi eldiń bas retteýshisine silteme jasap.

Túrkııa ortalyq bankiniń basshysy Sh.Kavdjıoǵlýnyń aıtýynsha, eldegi ortasha ınflıatsııa deńgeıi 2022 jyldyń sońynda - 42,8%, kelesi jyldyń sońynda - 12,9%, al 2024 jyldyń sońyna qaraı 8,3% deńgeıinde boljanyp otyr.

«Qazirgi ýaqytta biz ınflıatsııa deńgeıi osy jyldyń mamyr aıynan keıin qısyndy túrde tómendeı bastaıtynyn baıqaımyz. Ekonomıster bul qarjylyq kórsetkish boljamdy mán deńgeıinen de tómen bolýy múmkin dep otyr. Budan basqa, osy ekonomıkalyq jaǵdaıda bes júz túrik lırasyna teń banknot pen 5 lıra kólemindegi tıyn shyǵarý josparlanbaǵan», - dedi ol.

Sonymen qatar, bıylǵy naýryzda úkimettik emes túrik uıymy - ENAG ınflıatsııany zertteý toby jyldyq ınflıatsııa deńgeıi 142,63% bolǵanyn habarlady. Bul Túrkııanyń statıstıka ınstıtýtynyń (TÜIK) resmı kórsetkishinen eki ese kóp. Sol aıdaǵy atalǵan kórsetkish 61,14% bolǵan edi.