Túrkııada jańbyrdan sý tasqyny bolyp, adamdar kóz jumdy

ANKARA. QazAqparat - Túrkııanyń birneshe provıntsııasyn tolassyz jaýǵan jańbyr sýy basyp qaldy. Ázirge belgili bolyp otyrǵany, saldarynan tórt adam qaza taýyp, ondaǵan adam jaraqat aldy, taǵy birnesheýi iz-túzsiz joǵalyp ketti, dep habarlaıdy QazAqparat menshikti tilshisi.

Aqjaýyn Túrkııanyń ondaǵan provıntsııasynda jalǵasyp jat yr. Ankara men Ystanbulda eskertý jarııalandy.

Nevshehır, Aqsaraı jáne Kaıserı provıntsııalarynda sý tasqyny saldarynan úsh adam qaza tapty, olardyń arasynda úsh aılyq sábı de bar. Qozǵalys jabylǵan joldarda kólik ishinde qalyp qoıǵan 13 adam qutqarylyp, aýrýhanaǵa jetkizildi.

Budan basqa, Qara teńiz jaǵalaýynda ornalasqan Aqsaraı, Kyrklarelı jáne Igneada qalalarynda 5 adam iz-túzsiz joǵalyp ketti, jergilikti eki turǵyn qutqaryldy.

AFAD (TR Tótenshe jaǵdaılar mınıstrligi) basshylyǵynyń málimetine sáıkes, qazirgi kezde adamdardy qutqarý jáne joǵalǵan azamattardy izdestirý jumystary júrgizilip jatyr.

Sarapshylardyń baǵalaýynsha, nóser jaýyn úzilispen birneshe kúnge sozylady.

Sý tasqyny saldarynan turǵyn úılerdi sý basyp, egin alqaptary, kólikter búlinip, talaı jol qırady.