Túrkııada YouTube, X, TikTok, Instagram jelilerine shekteý qoıyldy
ASTANA. KAZINFORM – Halyqaralyq ınternet-monıtorıng qyzmeti Túrkııada YouTube, X, TikTok jáne Instagram-daǵy shekteýler týraly habarlady, dep jazady TASS.
Túrkııa oppozıtsııalyq Ystanbul meri Ekrem Imamoglý ustalǵan soń birneshe áleýmettik jelige kirýge shekteý qoıdy. Bul týraly X jelisinde NetBlocks halyqaralyq ınternet-monıtorıng qyzmeti habarlady.
Onyń málimetinshe, YouTube vıdeohostıngi, X, TikTok, Instagram áleýmettik jelilerine shekteý qoıylǵan. Ázirge bul týraly qosymsha aqparat berilgen joq.
NTV arnasynyń habarlaýynsha, Ystanbul Bas prokýratýrasy Imamoglý men taǵy 100-den astam adamǵa qarsy sybaılas jemqorlyq, para alý jáne lańkestermen yntymaqtastyq jasady degen aıyp taǵyp otyr.
Aıta keteıik, buǵan deıin Erdoǵannyń basty qarsylasyn tutqyndaýǵa order berilgenin jazǵan edik.
Erdoǵan Ilon Maskpen yntymaqtastyqqa múddeli.