Túrkııada shahtada jarylys bolyp, 25 adam qaza tapty

ASTANA. ANADOLÝ-QazAqparat — Túrkııanyń Amasra qalasynda shahtada jarylys bolyp, 25 adam mert boldy, dep habarlaıdy Anadolý agenttigine silteme jasap QazAqparat.

Eldiń densaýlyq saqtaý mınıstri Fahrettın Kodjanyń keltirgen málimetine saı, Amasra qalasyndaǵy shahtada bolǵan jarylystan 25 adam mert bolǵan. Al 11 adam dárigerlerdiń baqylaýynda.

«Ókinishke qaraı, Batyn provıntsııasynda bolǵan apattan 25 adam qaza boldy. 11 adam em alyp jatyr. Onyń bireýi aýyr hálde, 4-eýi jansaqtaý bóliminde jatyr. 6 shahter ushaqpen Ystanbul qalalyq aýrýhanasynyń kúıik shalǵan adamdardy emdeıtin bólimine jetkizildi» delingen mınıstrdiń áleýmettik jelide jarııalaǵan jazbasynda.