Túrkııada prezıdenttik saılaý qashan ótetini belgili boldy

ASTANA. KAZINFORM – Túrkııa prezıdenti Rejep Taıyp Erdoǵan merziminen buryn prezıdenttik jáne parlamenttik saılaý ótkizý josparlanbaǵanyn aıtty, dep habarlaıdy Kazinform TASS-qa silteme jasap.

Onyń sózine súıensek, konstıtýtsııada kózdelgendeı, saılaý 2028 jyly ótedi. Erdoǵan oppozıtsııa jetekshisi Ozgýr Ozeldiń daýys berýdi merziminen buryn ótkizý týraly úndeýine osylaı jaýap berdi. 

– Men ony (Ozel – TASS jazbasy) taǵy da eske salamyn. Konstıtýtsııa men saılaý týraly zań ózgermegendikten, 2028 jyly prezıdenttik jáne parlamenttik saılaýlar, 2029 jyly mýnıtsıpaldyq saılaýlar ótedi. Ozel myrza, sizdiń jeke kózqarasyńyz bolýy múmkin jáne kúntizbedegi kez kelgen jeksenbide saýsaǵyńyzdy kórsetip, saılaý sol kezde ótýi kerek dep aıta alasyz. Biraq bılik pen halyqtyń mundaı kún tártibi joq, - dedi Erdoǵan parlamentte sóılegen sózinde.

Buǵan deıin Erdoǵan Túrkııa oppozıtsııasynyń jetekshisin sotqa bergenin habarlaǵan edik.