Túrkııada prezıdent saılaýy 14 mamyrda ótpek

BÝRSA. ANADOLY – QazAqparat – Túrkııa Prezıdenti Rejep Taııp Erdoǵan «Ádilettilik jáne damý partııasy úshin meniń alǵashqy daýysym, Erdoǵanǵa meniń alǵashqy daýysym» atty baǵdarlamasyna qatysyp, onda Býrsa jastarymen kezdesti, dep habarlaıdy QazAqparat Anadoly agenttigine silteme jasap.

«Saılaýǵa birinshi ret qatysatyn jastardy 14 mamyrda ótetin saılaýda durys tańdaý jasaýǵa shaqyramyn», - dedi R.Erdoǵan.

Túrkııa basshysy atap ótkendeı, saılaýdyń datasyna qatysty sheshimdi resmı túrde 10 naýryzda jarııalaý josparlanyp otyr. Odan keıin zańnama boıynsha saılaý 60 kún ishinde ótýi tıis.