Túrkııada orman órtine baılanysty 3 myńnan astam adam evakýatsııalandy

ANKARA. ANADOLU – QazAqparat – Túrkııanyń ońústik-batysyndaǵy Mýgla provıntsııasyna qarasty Datcha aýdanyndaǵy orman órti baqylaýǵa alyndy. Órtti sóndirý jumystary jalǵasyp jatyr, dep habarlaıdy QazAqparat Túrkııanyń Anadoly agenttigine silteme jasap.

Túrkııanyń Aýyl jáne orman sharýashylyǵy mınıstri Vahıt Kırıchshıdiń sózinshe, órt 300 gektar ormandy alyp ketken.

Órt bolyp jatqan aımaqqa jaqyn aýdandardan 3250 adam qaýipsiz jerge kóshirildi. 10 turǵyn úı nysandaryna zııan kelip, olardyń tórteýi tolyqtaı janyp ketti.

Órtti sóndirýge 10 ushaq, 17 sý atqysh tikushaq, 3 ákimshilik tikushaq, 179 órt sóndirýshi kólik, 19 avtotsısterna, 29 tehnıka men 1500 adam jumyldyryldy.

Osyǵan deıin Túrkııada maýsym aıynyń sońy jańbyrly bolǵany aıtyldy. Elde tipti qaýiptiń «qyzyl» deńgeıi jarııalanǵan edi.

Foto: aa.com.tr