Túrkııada mereke kúnderi jol apatynan 67 adam kóz jumǵan
Jyl saıyn túrik azamattary ulttyq dástúr boıynsha «memleket» dep atalatyn týǵan aýyldaryndaǵy ata-analary men jaqyndaryna barý nemese tanymal týrıstik oryndarǵa saıahatqa shyǵý úshin uzaq demalys kúnderin asyǵa kútedi.
Ókinishke qaraı, kólik qozǵalysynyń osynshama artýy azamattardy keleńsiz saldarǵa ákelip soqtyrady. Tájirıbe kórsetkendeı, jergilikti júrgizýshiler jol erejesin jıi elemeı, qaýipsizdik beldikterin taqpaı, jyldamdyqty shekten asyryp jiberedi.
El bıligi jol apattary men jazataıym oqıǵalardy azaıtý úshin belsendi túrde sharalar qabyldaýda. Sońǵy jyldary qarsy qozǵalys jolaqtary arasynda mindetti bólgishteri bar jańa avtotrassalar salynýda. Kóptegen aımaqtarda jyldamdyqty beınetirkeýge jazatyn júıe jumys isteıdi. Ol belgili bir sátte avtomobıldiń jyldamdyǵyn ǵana emes, sonymen qatar onyń 150-200 km-degi ortasha jyldamdyǵyn esepteıdi, bul týraly júrgizýshige joldaǵy ilýli turǵan tablolar arqyly habarlanady jáne ereje buzylǵan jaǵdaıda avtokólik ıesine avtomatty túrde qomaqty aıyppul jazylady.
Túrkııanyń ishki ister mınıstrligi ótken mereke kúnderi 7-18 shilde aralyǵynda búkil el boıynsha 53 jol-kólik oqıǵasy saldarynan jalpy sany 67 adam kóz jumyp, 24 jolaýshy túrli dárejedegi jaraqat alǵanyn atap ótti. Vedomstvonyń málimetinshe, bıyl ólim jaǵdaılaryna ákelip soqqan jol apattarynyń sany ótken jyldyń sáıkes kezeńimen salystyrǵanda 17% - ǵa jáne sońǵy 10 jylda 56% -ǵa qysqarǵan.