Túrkııada qulaǵan meteorıt áleýmettik jelini dúrliktirdi

ANKARA. QazAqparat - Áleýmettik jelide jarııalanǵan qulaǵan meteorıt sýretteri Túrkııada úlken rezonans týǵyzdy. Eldi dúrliktirgen oqıǵa 2 qyrkúıek kúni keshki saǵat 20:40 shamasynda bolǵan. Qarańǵy aspan aldymen kók, sodan keıin jasyl, sosyn qyzyl túske boıaldy, dep habarlaıdy QazAqparat.

Bul qubylys Túrkııanyń kóptegen provıntsııalarynda kózge tústi. Dııarbakyr, Malatııa, Erzýrým, Elazyǵ, Gazıantep, Shyǵys jáne Ońtústik-Shyǵys Anadoly aımaǵynan jetken foto-vıdeolardan atmosferada janyp ketken sáýleli nysan anyq kórinip tur.

TRT Haber agenttiginiń habarlaýynsha, meteorıt qulaǵan sát Dııarbakyrmen qatar Shanlyýrfada da taspaǵa túsip qalǵan.

Qazir bul nysannyń naqty qaı jerge qulaǵanyn anyqtaý úshin jumys bastaldy.