Túrkııada qansha qazaqstandyq týrıst júr

ASTANA. QazAqparat – QR Mádenıet jáne sport mınıstrligi Túrkııa Respýblıkasynda júrgen týrısterge qatysty aqparat berdi, dep habarlaıdy QazAqparat tilshisi.

«Osy ýaqytqa deıin Mádenıet jáne sport mınıstrligi janyndaǵy Týrızm komıtetine Túrkııaǵa joldama satyp alǵan qazaqstandyq týrıster tarapynan joldamanyń kúshin joıý nemese qaıta brondaý týraly ótinish túsken joq. Týrıstik joldamadan bas tartqysy keletin azamattar týroperatorlarǵa júgine alady, olar ilespe komıssııalardy eskerip, qyzmet sharttarynda kórsetilgen shyǵyndardy shegerip, qaıta esep aıyrysýy kerek», - dep jaýap berdi Mádenıet jáne sport mınıstrliginiń resmı ókili Móldir Ábdýálıeva.

Sonymen qatar, týrıstik operatorlar demalys kúnderin, baǵytyn, baratyn eldi aýystyrý jáne t.b. balamaly optsııalardy usyna alady.

Búgingi tańda Túrkııanyń demalys oryndarynda 254 qazaqstandyq týrıst demalyp júr.