Túrkııada endi keıbir sheteldikter arnaıy ruqsat almaı-aq jumys isteı alady

ANKARA. QazAqparat – Sheteldik sportshylar, fermerler men zertteýshiler Túrkııada belgili bir ýaqyt aralyǵynda ruqsat almaı-aq jumys isteı alady, dep habarlaıdy QazAqparat menshikti tilshisi eldiń Eńbek jáne halyqty áleýmettik qorǵaý mınıstrligine silteme jasap.

Túrkııada jumys isteıtin sheteldikterdi zańnamalyq jeńildikke baǵyttalǵan Jumyspen qamtý týraly qaýly kúshine endi.

Maýsymdyq aýyl sharýashylyǵy men mal sharýashylyǵynda jumys isteıtin sheteldik azamattar alty aıǵa deıin bosatylady, al basqa elderdiń sportshylary eńbek sharttarynyń qoldanylý merzimi aıaqtalǵanǵa deıin óz jumystaryn atqarady.

Zertteý nemese bilimi men tájirıbesin arttyrý úshin ýnıversıtetterde, memlekettik mekemelerde jáne uıymdarda oqıtyn sheteldik tulǵalardyń oqý merzimi shekteýli bolady. Kóbinese ol eki jylǵa deıin sozylady.

Stýdenttik almasý baǵdarlamalary boıynsha taǵylymdamadan ótýdi josparlap otyrǵan adamdar Túrkııada tórt aı jumys isteı alady. Bul kezeń ǵylymı, mádenı jáne shyǵarmashylyq salalarda jumys isteıtin sheteldik azamattar úshin bir aımen shekteledi.

Túrkııa-Eýropalyq Odaq qarjylyq yntymaqtastyq baǵdarlamalary sheńberinde júzege asyrylatyn jobalarǵa qatysýǵa jiberilgen sheteldikter de óz qyzmetin elde júzege asyrý kezinde osy erejeni paıdalana alady.

Foto: righthome.com.tr