Túrkııada 4,1 baldyq jer silkinisi boldy

ANKARA. ANADOLY - QazAqparat – Túrkııanyń ońtústigindegi Adana provıntsııasynda 4,1 baldyq jer silkinisi boldy, dep habarlaıdy QazAqparat Anadoly agenttigine silteme jasap.

Tabıǵat apattary men tótenshe jaǵdaılarmen kúres basqarmasynyń (AFAD) aqparaty boıynsha, jerasty dúmpýi jergilikti ýaqytpen 7:48-de tirkelgen.

Zilzala epıtsentri Saımbeılı aýdanynda ornalasqan. Oshaǵy 7 shaqyrym tereńde jatyr.

6 aqpanda Túrkııanyń ońtústik-shyǵysynda qýaty jeti baldan asatyn eki zilzala boldy (jergilikti ýaqytpen 04:17-de - 7,7 ball jáne 13:24-te – 7,6 ball).

Joıqyn zilzala saldarynan qaza tapqandar sany 50 myń adamnan asty.

Jer silkinisi kórshiles elderde, onyń ishinde Sırııa, Lıvan, Soltústik Kıpr Túrik Respýblıkasy, grekııalyq Kıpr men Irakta sezildi.