Túrkııa Izraıldegi elshisin elge qaıtarady

Túrkııa Gaza sektoryndaǵy jaǵdaıǵa baılanysty Izraıldegi elshisi Shákir Ozkan Torýnlardy keńesý úshin shaqyrtyp alatyn boldy, dep habarlaıdy Kazinform Anadoly agenttigine silteme jasap. .

Bul jaıynda 4 qarashada Túrkııa Syrtqy ister mınıstrliginiń baspasóz qyzmeti málim etti. 

«Izraıldiń beıbit halyqqa shabýylyn jalǵastyrýy, gýmanıtarlyq kómekti kedergisiz jáne úzdiksiz jetkizýge kedergi keltirýi, sondaı-aq atysty toqtatýdan bas tartýy saldarynan Gazadaǵy gýmanıtarlyq jaǵdaı ýshyǵa tústi. Osyny eskere otyryp Tel-Avıvtegi elshi Shákir Ozkan Torýnlardy konsýltatsııa úshin Ankaraǵa shaqyrtyp alý jóninde sheshim qabyldandy» delingen mınıstrlik habarlamasynda.