Túrkııa energetıkalyq qýattardyń ósimi boıynsha Eýropada kóshbasshy atandy

ASTANA. KAZINFORM – Túrkııa energetıkalyq qýattardyń ósimi jóninen Eýropada birinshi orynda tur, dep habarlaıdy Kazinfrom agenttiginiń menshikti tilshisi.

Halyqaralyq energetıkalyq qaýymdastyq málimetterine qaraǵanda, (IHA) Túrkııa óziniń gıdroelektr stantsııalarynyń qýatyn 241 megavatqa ósirdi. Bul eýropalyq elder arasynda eń joǵary kórsetkish.

Bul týraly aqparat «Álemniń gıdroenergetıkalyq şolýy» atty qujatynda jarııalanǵan. Qujatta gıdroenergetıkanyń burynǵysynsha qalpyna keltiriletin energııa kózderiniń arasynda eń iri energııa óndirý kózi bolyp qalyp otyrǵany atap ótilgen.

Búgingi tańda ol álemdik elektr energııasy generatsııasynyń 14,3% qamtamasyz etip otyr jáne álemniń 150-den astam elinde qoldanylýda.

Túrkııadaǵy gıdroenergetıkany damytý energetıkalyq táýelsizdikti de turaqty ulttyq energııa júıesin de nyǵaıtady.

Jańa jobalardyń arqasynda memleket óziniń energııa júıesiniń ıkemdiligin kúsheıtip, qazba otynǵa táýeldilikti qysqartady.

Sarapshylardyń pikirinshe, Túrkııa tek gıdroenergetıkaǵa ǵana emes, kún jáne jel energetıkasy sııaqty jańartylatyn energııa kózderine belsendi ınvestıtsııa salyp jatyr. 2024 jyly GES qýaty turaqty jáne «jasyl» energetıkaǵa kóshýdegi aýqymdy strategııanyń bóligine aınaldy.

Túrkııa aldaǵy jyldary osy baǵyttaǵy damý qarqynyn saqtamaq.

Osyǵan deıin Túrkııa aýyl sharýashylyǵyn jańǵyrtýǵa taǵy 757 mln eýro tartatyny týraly habarladyq.