Túrkııa eliniń resmı ataýy ózgerdi

ANKARA.Anadoly- QazAqparat – BUU Túrkııanyń barlyq resmı qujattaǵy respýblıka ataýyn ózgertý týraly ótinishin qanaǵattandyrdy. Bul týraly BUU Bas hatshysynyń resmı ókili Stefan Dıýjarrık málim etti, dep habarlaıdy QazAqparat Anadoly agenttigine silteme jasap.

«Republic of Turkey (Túrkııa Respýblıkasy) Republic of Türkiye bolyp ózgertildi.El ataýynyń qysqa nusqasy endi Turkey emes, Türkiye bolady. Degenmen alfavıt boıynsha Túrkııanyń orny ózgermeıdi», dedi Dıýjarrık.

Onyń aıtýynsha, atalǵan ózgeris túrik bıligi ótinim bildirgen soń birden kúshine engen.

Túrkııa Syrtqy ister mınıstri Mevlút Chavýshoǵly Twitter -de túsindirgendeı, Túrkııa ataýynyń jazbasha nusqasyn ózgertý eldiń halyqaralyq arenadaǵy bedelin arttyrýǵa baǵyttalǵan.