Túrkııa 3 ǵaryshkerdi iriktep, sonyń ishinen bireýin ǵaryshqa ushyrady

ANKARA. Anadoly-QazAqparat - Túrkııanyń ulttyq ǵarysh baǵdarlamasy aıasynda úsh úmitker tańdap alynady. Arada eki jyl ótkende sonyń bireýi ǵaryshqa ushqan alǵashqy túrik azamaty atanady, dep habarlaıdy QazAqparat Anadoly agenttigine silteme jasap.

Túrkııa Prezıdenti Rejep Taıyp Erdoǵan Ulttyq ǵarysh baǵdarlamasyn tanystyrdy.

Jıyn barysynda ol Túrkııanyń alǵash ret ǵaryshty ǵylymı zertteýge óz azamatyn attandyrǵaly turǵanyn málimdedi.

Ónerkásip jáne tehnologııalar mınıstrliginiń málimetinshe, kandıdattardy irikteýdiń negizgi krıterıılerin astronomııa, medıtsına jáne sport salasyndaǵy sarapshylar anyqtaıdy.

Tıisti qurylymdar soǵan saı keletin úsh úmitkerdi iriktep alady, olar eki jyl boıy daıyndyqtan ótedi.

Sosyn oqytý kýrsyn uıymdastyratyn qurylym sonyń ishinen eń úzdigin anyqtaıdy. Sol adam Túrkııanyń atynan ǵaryshqa ushady.

Ǵaryshqa ushý rásimi Túrkııa Respýblıkasynyń qurylǵanyna 100 jyl mereıtoıyna oraılastyrylady.

Túrkııadan baratyn astronavt halyqaralyq ǵarysh stansasyndaǵy ǵylymı zertteýlerge qatysady. Bul jerde áńgime bıologııalyq zertteýler men Túrkııanyń ǵaryshtaǵy zertteýlerine qatysty bolyp otyr.

Bul mıssııanyń naqty aıasy JOO-larmen jáne ǵalymdarmen keńeskennen keıin anyqtalady.