Túrkistandyqtar Memleket basshysynyń Joldaýyn erekshe yqylaspen tyńdady
Prezıdent óz Joldaýynda halyqtyń áleýmettik-ekonomıkalyq, saıası jaǵdaıyn arttyrý boıynsha basqarý organdary men Parlamentke tapsyrmalar berdi. Kezekti Joldaýdy zor yqylaspen qabyl alǵan túrkistandyqtar ony tikeleı efır arqyly tamashalady.
Jıynǵa «Nur Otan» partııasy, Ardagerler uıymy, ustazdar, kásipodaq uıymy, úkimettik emes uıymdar, qoǵam belsendileri men jastar qatysty. Sondaı-aq, Joldaýdy oblystaǵy aýdan, qala ákimdigi qyzmetkerleri de zeıin qoıyp, yqylaspen tyńdady. Oblysta Kásiporyn, mekeme basshylyǵy qyzmetkerleriniń qatysýymen kollektıvti kórsetilim uıymdastyryldy.
Oblys ákimdiginde ótken ujymdy kórsetilimde oblys ákiminiń orynbasary Saken Qalqamanov aýdandarda halyqqa aqparattyq túsindirý toptaryn qurýdy jáne medıa jospardy daıyndaýdy tapsyrdy.
Jalpy Túrkistan oblysy boıynsha 16 qala/aýdanda, 26 oblystyq basqarmalar men iri kásiporyndarda Joldaýdyń ujymdyq kórsetilimi uıymdastyryldy. Sonymen qatar, Joldaýdy jergilikti halyqqa túsindirý boıynsha 5 aqparattyq nasıhat toby quryldy.
Aqparattyq nasıhat toptardyń quramyna oblys ákiminiń orynbasarlary, basqarma basshylary, zııaly qaýym ókilderi, joǵary oqý oryndarynyń oqytýshylary, sarapshylar engizildi.
Osy oraıda, barlyq deńgeıdegi ákimder, halyq qalaýlylary, jastar, ardagerler, quzyrly organdar, qoǵamdyq uıymdar, barlyq sala belsendileri Prezıdenttiń Joldaýyn halyqqa keńinen nasıhattaý jumystaryn júrgizip, barlyq basymdyqtarynyń joǵary deńgeıde júzege asyrylýyna belsendi atsalysatyn bolady.
