Túrkistandyqtar Konstıtýtsııa kúnin atap ótti

TÚRKІSTAN. QazAqparat - Túrkistandaǵy Q.A.ıAsaýı atyndaǵy Halyqaralyq qazaq-túrik ýnıversıtetiniń Mádenıet ortalyǵynda QR Konstıtýtsııa kúnine arnalǵan «Táýelsizdik tiregi - Ata zań» atty saltanatty is-shara ótti, dep habarlaıdy QazAqparat oblys ákiminiń baspasóz qyzmetine silteme jasap.

Jıynǵa oblys ákiminiń orynbasarlary, oblystyq máslıhat depýtattary, oblystyq basqarma basshylary men qyzmetkerleri, quqyq qorǵaý organdarynyń basshylary, ardagerler men zııaly qaýym ókilderi, ÚEU músheleri, Túrkistan qalasynyń turǵyndary, stýdent jastar, BAQ ókilderi qatysty. Sharaǵa qatysqan oblys ákimi Shókeev Ómirzaq túrkistandyqtardy aıtýly merekemen quttyqtady.

«Bıylǵy jyl Ata Zańymyzdyń qabyldanyp, qoldanysqa engenine 24 jyl tolyp otyr. Osy jyldar ishinde biz barynsha qýatty, ekonomıkalyq damý úderisin alǵa qoıǵan, saıası turaqty memleket qurýda orasan zor jetistikke qol jetkizdik. Endeshe onyń mańyzdylyǵyn arttyrý, Ata Zańnyń aıasynda aıanbaı eńbek etý – memlekettiń qaryshtaýyna qosqan úlesimiz bolyp tabylady.

Barlyqtaryńyzdy aıtýly merekemen quttyqtaı otyryp, eńbekterińizge – jemis, januıalaryńyzǵa jaqsylyq tileımin!»- dedi Ómirzaq Estaıuly.

Sondaı-aq, sharada oblysta eńbegimen úzdik atanǵan qyzmetkerlerge alǵys hattar men gramotalar tapsyrdy.

Merekelik jıynda Túrkistan oblysynyń Sh.Qaldaıaqov atyndaǵy oblystyq fılarmonııa, oblystyq opera jáne balet teatrynyń ánshileri, «Súgir» atyndaǵy qazaq ult aspaptar orkestri, «Tumar», «Qazyna», «Bısultan» bı ansamblderi óner kórsetti.