Túrkistanda terrorızmge qarsy birlesken otyrys ótti

TÚRKІSTAN. QazAqparat -  Túrkistan oblysynda terrorızmge qarsy kúres, quqyq buzýshylyq profılaktıkasy jáne sybaılas jemqorlyqqa qarsy jumystarynyń tıimdiligi, sondaı-aq ony jetildirý joldary men problemalyq máselelerdi sheshý boıynsha májilis ótti, dep habarlaıdy QazAqparat tilshisi.

Jıynǵa qatysqan oblys ákimi Janseıit Túımebaev memlekettik mekemelerdiń birinshi basshylaryna Qazaqstan Respýblıkasynyń «Terrorızmge qarsy is-qımyl týraly» Zańyn múltiksiz oryndalýyn qamtamasyz etýdi tapsyrdy. Sondaı-aq, QR dinı ekstremızm men terrorızmge qarsy is-qımyl jónindegi 2018-2022 jyldarǵa arnalǵan memlekettik baǵdarlamanyń oryndalýy boıynsha tıisti sharalar qabyldaýdy mindettedi. Terrorıstik turǵydan osal obektilerdiń tizbesi aıasynda qaýipsizdik sharalaryna qatysty tıisti tekserýler júrgizýdi júktedi.

Sonymen birge, jıynda oblys aýmaǵyndaǵy aýyr jáne asa aýyr qylmystar men zańsyz kóshi-qonnyń aldyn alýǵa baǵyttalǵan sharalar baıandaldy. Bul rette aımaq basshysy quqyq buzýshylyq profılaktıkasy jumystarynyń tıimdiligin odan ári jetildirý boıynsha da birqatar tapsyrmalar berdi.

Májilis sońynda quzyrly organ basshylary sybaılas jemqorlyqqa qarsy atqarylyp jatqan jumystaryn baıandap, aldaǵy merzimge arnalǵan arnaıy sharalar josparyn qabyldaıtynyn málimdedi.