Túrkistanda saılaý zańnamalary túsindirildi
Jıynǵa QR Ortalyq saılaý komıssııasynyń múshesi Baqyt Meldeshov pen oblys ákimi apparatynyń basshysy Áýelhan Turǵymbekov, Túrkistan oblysy aýmaqtyq saılaý komıssııasynyń tóraǵasy Álibek Ómirálıev men tıisti basqarma basshylary, aýdan, qaladaǵy saılaý ýchaskesiniń tóraǵalary men músheleri, BAQ ókilderi, barlyǵy 800-ge jýyq adam qatysty. Semınarda alǵash bolyp sóz alǵan QR Ortalyq saılaý komıssııasynyń múshesi Baqyt Meldeshov saılaý naýqanynyń barysy týraly baıandama jasady.
«Saılaý protsesin odan ári jańǵyrtý, irgeli saılaý protsesterin saqtaýdy qamtamasyz etýdi negizge ala otyryp, ótken jyly elimizde saılaý zańnamasyna birqatar ózgerister engizilgen bolatyn. Osyǵan oraı, qazirgi tańda respýblıkadaǵy saılaý komıssııasy quramynyń 40,4 paıyzy jańaryp, aýmaqtyq saılaý komıssııalarynyń fýnktsııalary kásibı negizde keńeıtildi. Budan basqa, jeke tulǵalar týraly memlekettik derekter qorynyń negizinde saılaýshylar týraly málimetterdi qalyptastyrý jumystary «Tsıfrly Qazaqstan» memlekettik baǵdarlamasy negizinde júzege asýda. Bul óz kezeginde elimizde naqty qansha saılaýshy bar ekendigin anyqtaýǵa úlken kómek bolyp otyr», - dedi QR Ortalyq saılaý komıssııasynyń múshesi B. Meldeshov.
Ol múmkindigi shekteýli azamattardyń saılaý quqyqtaryn iske asyrýdy qamtamasyz etý normalary, QR Prezıdenttik saılaýyn ázirleý men ótkizý jónindegi kúntizbelik josparǵa sáıkes atqarylyp jatqan jumystar, onyń ishinde BAQ-da úgit júrgizý máseleleri týraly oı qozǵady. Jıyn barysynda oblys ákimi apparatynyń bas ınspektory Bolat Rysqulbekov Túrkistan oblysynda saılaýshylar tizimin jasaqtaý boıynsha baıandady.
«Jergilikti atqarýshy organdar tarapynan oblys boıynsha saılaýshylar týraly málimetterde jeke tulǵalar derekter qorynyń málimeti boıynsha 2019 jylǵy 1 qańtarda oblys boıynsha 18 jasqa tolǵan, is-áreketke qabiletti, belsendi, saılaý quqyǵyna ıe 1 mln 223 270 azamat tirkelgen», - dedi B.Rysqulbekov.
Al, oblystyq aýmaqtyq saılaý komıssııasynyń tóraǵasy Á.Ómirálıev 2019 jylǵy 9 maýsymǵa taǵaıyndalǵan Qazaqstan Respýblıkasy Prezıdentik saılaýyn ótkizýge ázirlik barysy jáne saılaý komıssııalary músheleriniń oqytylýy týraly toqtaldy.
"Qazirgi tańda, oblysymyzda 7 kandıdattyń shtabtary, 2008 senim bildirgen adamdary 11 mamyr kúngi saǵat 18:00-den bastap úgit-nasıxat jumystaryn Zań talaptaryna sáıkes júrgizýde. Ortalyq saılaý komıssııasy tarapynan barlyq saılaý ýchaskeleri kerekti normatıvti-quqyqtyq ádistemelik quraldarmen, aqparattyq plakattarmen, turaqty jáne tasymaldanatyn bıýlleten salatyn jáshiktermen qamtamasyz etilýde"- dep atap ótti Á.Ómirálıev.
Sonymen qatar, semınar barysynda saılaý ýchaskelerinde múmkindigi shekteýli tulǵalar úshin jaǵdaıdyń jasalýy, saılaý kommıssııalary qyzmetiniń keıbir máseleleri týraly habarlama jasalynyp, oqytý fılmi kópshilikke usynyldy.
