Túrkistanda memlekettik aıyptaýshylardyń forýmy ótti

TÚRKІSTAN. QazAqparat - Túrkistan oblysynyń prokýratýrasynda memlekettik aıyptaýshylardyń keńeıtilgen májilisi ótti. Basqosýda sot protsesindegi jıi kezdesetin problemalar talqylandy, dep habarlaıdy QazAqparat tilshisi.

Atalǵan jıynǵa prokýratýra qyzmetkerleri men sottar, advokattar alqasynyń músheleri men quqyq qorǵaý organdary akademııasy men Q.A.ıAsaýı atyndaǵy Halyqaralyq qazaq - túrik ýnıversıtetiniń ǵalymdary qatysty. Kezdesýde oblys prokýrory Nurǵalym Ábdirov aımaqtyq prokýrorlar jylyna 3 myńnan asa qylmystyq ister boıynsha memlekettik aıypty qoldaıtynyn, ótken jyly sottarmen madaqtaý sıpatynda 13 jeke qaýly qabyldanǵanyn atap ótti.

Memlekettik aıyptaýdy júzege asyratyn 22 qyzmetkerden turatyn «úzdikter pýly» qurylǵanyn jetkizdi. Sonymen qatar, ótken jyly oblys prokýrorlarynyń apellıatsııalyq ótinishteri negizinde birinshi satydaǵy sottardyń 136 úkimderi zańdastyrylǵany aıtyldy. Budan basqa, memlekettik aıyptaýshylardyń kásibı deńgeıin kóterýge baǵyttalǵan Quqyq qorǵaý organdary akademııasy ázirlegen jańa baǵdarlamalar men oqytýdyń jańa ádistemeleri jarııalandy.

Jıynǵa qatysýshylar «Tsıfrly Qazaqstan» memlekettik baǵdarlamasy aıasynda qoldanysqa engizilgen «Zańdylyq» aqparattyq júıesimen jumys isteý eptilikterin kórsetti.