Túrkistanda mektep muǵalimi men ata-ana tóbelesip qaldy

TÚRKІSTAN. QazAqparat – Túrkistanda mektep muǵalimi men ana-analardyń biri tóbelesip qaldy, dep habarlaıdy QazAqparat tilshisi.

Áleýmettik jelide taraǵan vıdeodan muǵalim men ata-ananyń eregisip, keıinnen bir birine qol jumsaýǵa deıin barǵanyn kórýge bolady.

Atalǵan oqıǵaǵa Túrkistan oblysynyń adamı áleýetti damytý basqarmasy túsinikteme berdi.

«Mektep ǵımaratyna kelip, vahterǵa tirkelip, synyp jetekshige jolyǵatynyn aıtqan ata-ana mektep dálizinde muǵalimin kórgende qol qóterip, kúsh kórsetken. Janjal muǵalimderdiń kómegimen ajyratyp, polıtsııaǵa habar berildi. Zábir kórgen muǵalim osy másele boıynsha polıtsııa basqarmasyna ananyń ústinen aryz túsirdi. Araǵa 3 kún salyp ata-ana mektepke qaıta kelip, mektep ujymynan jáne japa shekken ustazdan keshirim surady. Eki tarap ózara ymyraǵa keldi» - delingen basqarma taratqan aqparatta.