Túrkistanda qyzmetkerinen para alǵan basshy qylmys ústinde ustaldy
Túrkistan oblysy PD Krımınaldyq polıtsııa basqarmasynyń qyzmetkerleri óńirdegi Ulttyq qaýipsizdik komıtetimen birlesip, jedel-izdestirý is-sharalary barysynda alaıaqtyq jasady degen kúdikpen Saryaǵash aýdanynyń turǵynyn qolǵa túsirdi.
«Naqtyraq aıtsaq, Krımınaldyq polıtsııa basqarmasyna Keles aýdanynyń turǵyny shaǵymdanyp, basshysynyń ústinen aryz túsirdi. Aryzda kórsetilgendeı, mekemedegi bólim basshysy qyzmettik jaǵdaıyn paıdalana otyryp, onyń jumysta qalý múmkindigi úshin úlken kólemde aqsha talap etken. Atalǵan jaıtty polıtsııa qyzmetkerleri QK-tiń 190-baby 2-bóligi (Alaıaqtyq) boıynsha tirkedi», - dep málimdedi vedomstvodan.
Oryn alǵan qylmysty ashý maqsatynda Krımınaldyq polıtsııa basqarmasy, jedel qımyldaıtyn arnaıy jasaq pen Ulttyq qaýipsizdik komıteti qyzmetkerlerinen arnaıy top qurylyp, kúdiktini ustaýǵa baǵyttalǵan jedel-izdestirý is-sharalary keshenin júrgizdi. Júıeli, josparǵa saı atqarylǵan jumys nátıjesinde, jedel ýákilder Keles aýdany Abaı kenti kósheleriniń birinde kúdiktini qylmys ústinde ustady. ıAǵnı, kúdikti jábirlenýshiden mıllıon teńge alǵan kezde qolǵa tústi. Tintý kezinde polıtseıler ustalǵan turǵynnan zattaı dálel retinde aqsha tárkiledi. Qazirgi ýaqytta atalǵan jaıt boıynsha sotqa deıingi tergeý amaldary júrgizilýde.
