Túrkistanda aıyppulyn tólemegen 2,5 myńnan astam júrgizýshi anyqtaldy
Tártip saqshylary ári olardyń zamanaýı beınebaqylaý kameralarymen jabdyqtalǵan qyzmettik kólikteri arqyly úsh táýlikte aıyppulyn tólemeı júrgen 2509 júrgizýshi anyqtaldy. Olardyń jalpy qaryzy 19 mıllıon teńgeden asady.
Polıtseılerdiń tııanaqty jumysynyń nátıjesinde atalmysh aıyppuldyń alty mıllıon teńgege jýyǵy óndirildi. Sondaı-aq aıypturaqtarǵa 30-dan astam avtokólik qoıyldy.
Mysaly, «Boryshker» sharasy aıasynda Túrkistan oblysy PD-nyń baspasóz qyzmeti polıtseılermen birge reıdke shyqty. Osy sátte reıd uıymdastyrýshylarynyń nazaryna «Avtoýragan» kóligindegi «Qorǵaý» baǵdarlamasy boıynsha salyǵyn tólemegen Opel Vectra avtokóligi alynyp, toqtatyldy. Júrgizýshiniń qujattaryn tekserý barysynda onyń jyldar boıy aıyppulyn tólemeı júrgeni belgili boldy. ıAǵnı, Saıram aýdanynyń turǵyny sońǵy eki aıdyń ózinde 14 ret jyldamdyqty shamadan tys asyryp, jol erejesin óreskel buzǵan.
Bul boıynsha 150 myń teńgeden astam aıyppul tóleý kerek bolǵan, alaıda jas júrgizýshi múldem aıyppulyn tólemegen.
Odan bólek, 2021 jyldan beri tólenbegen 50 aıyppuly sot oryndaýshylaryna ótip ketkeni aıqyndaldy. Nátıjesinde 64 ret jol erejesin buzyp, onymen qoımaı aıyppuldaryn tólemegen júrgizýshiniń kóligi aıypturaqqa qoıyldy. Júrgizýshige jan-jaqty túsindirý jumystary júrgizildi.
