Túrkistanda Aıdar Seıdázimniń «Japyraq ǵumyr» kitaby tanystyryldy

TÚRKІSTAN. QazAqparat – Túrkistandaǵy Q.A.ıAsaýı atyndaǵy HQTÝ-da talantty aqyn Aıdar Seıdázimniń «Japyraq ǵumyr» kitabynyń tanystyrylymy ótti. «Nur Otan» partııasy Túrkistan oblystyq fılıalynyń uıymdastyrýymen ótken ádebı keshke belgili qalamgerler men BAQ ókilderi jáne ádebıet súıer qaýym qatysty, dep habarlaıdy QazAqparat tilshisi.

Shyǵarmashylyq keshte A.Seıdázimniń jyrlary oqylyp, óleńderine jazylǵan ánder shyrqaldy. «Alash» ádebı syılyǵynyń ıegeri, tanymal aqyn Qasymhan Begmanov óz sózinde Aıdar Seıdázimniń óleńderinde jylylyq, meıirim, qazaqy bolmys bar ekenine toqtaldy. Avtordyń shyǵarmashylyǵyn joǵary baǵalady. «Nur Otan» partııasy Túrkistan oblystyq fılıaly tóraǵasynyń birinshi orynbasary Beısenbaı Tájibaev kesh ıesiniń azamattyq bolmysy men poezııasy bıik ekenin atap ótip, aqynnyń Túrkistannyń rýhanııatyna súbeli úles qosyp júrgenin aıtty. Rýhanı keshte ádebıet janashyry, Q.A.ıAsaýı atyndaǵy HQTÝ qyzmetkeri Ádemiaý Tolysbaeva aqynnyń poezııasy týraly zertteýin ortaǵa saldy. Sonymen qatar Bekjigit Serdáli, Ǵalymjan Elshibaı, Baýyrjan Berdimuratov syndy azamattar men ózge de ádebıetsúıer qaýym júrekjardy lebizderin jetkizdi. Áserli keshke jınalǵan qaýym kitap avtorynyń talantyna rızashylyǵyn bildirip, shyǵarmashylyq tabys tiledi. Partııa fılıaly tarapynan aldaǵy ýaqytta da shyǵarmashylyq ókilderine qoldaý kórsetý jalǵasyn tappaq.