Túrkistanda Arystaǵy qurylys, jol, káriz júıesin jańartý máselesi talqylandy

TÚRKІSTAN. QazAqparat - Oblys ákimi Ómirzaq Shókeevtiń tóraǵalyq etýimen ótken apparat májilisiniń keńeıtilgen otyrysynda birneshe mańyzdy máseleler qaraldy, dep habarlaıdy QazAqparat óńir basshysynyń baspasóz qyzmetine silteme jasap.

Kún tártibinde aldymen Arys qalasynda atqarylyp jatqan qurylys jumystary men men jol, káriz júıeleriniń jańarýy jaıly sońǵy málimetter men 2020 jyldan bastap elimizde engiziletin ataýly áleýmettik kómekti tóleýdiń jańa tásilderi talqylandy. Sondaı-aq, Túrkistan qalasyn kógaldandyrý men abattandyrý jumystary barysy baıandaldy. Arys qalasynda atqarylyp jatqan qurylys jáne jóndeý jumystary aıaqtalýǵa satysynda tur, delindi májilis barysynda. Sektor jetekshileriniń baıandaýynsha, qurylys nysandary aýqymdy Nur- Sultan jáne Shymkent qalalary kóshten qalyp keledi. Elordalyq qurylysshylar moınyna alǵan 1167 páterge kúrdeli jóndeý júrgizilse, úsh kópqabatty úıdegi 287 páter jańadan salynýda. Bul aımaqtarǵa qaraıtyn úılerdiń qurylysy men ishki jáne syrtqy árleý jumystary jalǵasýda. Qujattardyń qarjy mınıstrliginde maquldanýy máselesi de kezeń – kezeńmen júrip jatyr. Túrkistan qalasy jasyl jelektendirý jumystary boıynsha Arys tájirıbesi negizinde 16 sektorǵa bólingen. Búginde sý uńǵymalary men qudyqtar qazylyp, zamanaýı jańa aıaldamalar ashylyp, aǵashtar otyrǵyzylyp, oryndyqtar ornatylýda, sonymen qatar jolaıaq pen velosıped jolyn salý jumystary qarqyndy júrip jatyr. Otyrysta ataýly áleýmettik kómekti tóleýge qatysty oblys boıynsha sońǵy derekteri jarııa etildi. Bul rette, tabysyn jasyrý, jeke bıznesiniń bolýy jáne AÁK alý sharttaryn buzý sekildi 18 myńnan astam derek anyqtalǵan. Buryn taǵaıyndalǵan AÁK-ti qaıta eseptelip, toqtatyldy (4,2 myń otbasyǵa AÁK bas tartyldy, 3,1 myń otbasyǵa ýaqytsha toqtatyldy, 7,3 myń otbasyǵa qaıta eseptelindi) jáne artyq tólengen 650 mln teńgeniń 38,8 mln teńgesi qaıtaryldy. Engizilgen ózgerister, alaıaqtarǵa qarsy kúreske, áleýmettik kómekte ádildiktiń joǵary bolýyna jáne eńbekke yntalandyrýyna baǵyttalǵan. Bul tusta 7 mln-ǵa jýyq qazaqstandyq otbasyǵa (18,5 mln adam) áleýmettik karta jasaldy. Avtomattandyrylǵan rejımde anyqtalatyn elektrondy áleýmettik karta otbasynyń ál-aýqatynyń deńgeıin anyqtaıdy. Bul otbasynyń álsiz jerin anyqtaýǵa, preventıvti sharalardy kórsetýge jáne jergilikti deńgeıde áleýmettik saıasattyń tıimdiligin arttyrýǵa múmkindik beredi.