Túrkistanda 8-synyp oqýshylary shyny aıaldamany syndyryp ketken

TÚRKІSTAN. QazAqparat – Túrkistanda 8-synyp oqýshylary shyny aıaldamany syndyryp ketken, dep habarlaıdy QazAqparat tilshisi.

Túrkistan qalasynda shynydan jasalǵan aıaldamanyń búlingen vıdeosy áleýmettik jelide tarady. Aıaldama Almaty kóshesinde ornalasqan.

Atalǵan jaǵdaı boıynsha, tártip saqshylary kóshede oınap júrip, aıaldamany taspen syndyrǵan 5 jasóspirimdi anyqtady.

«Olar 8-synyp oqýshylary. Ata-analaryna túsindirý jumystary júrgizildi. Jınalǵan materıaldar zańdy sheshim qabyldaý úshin Túrkistan qalasy ákimdiginiń janyndaǵy kámeletke tolmaǵandardyń isteri jáne olardyń quqyqtaryn qorǵaý jónindegi komıssııaǵa joldandy», - delingen oblystyq polıtsııa departamentiniń baspasóz qyzmeti taratqan aqparatta.