Túrkistan oblysynyń turǵyndary eki qap esirtkimen ustaldy

TÚRKІSTAN. QazAqparat - Kólik polıtsııasynyń qyzmetkerleri Túrksib stantsııasynyń kúzetiletin ótkelinde VAZ-2106 avtokóligin toqtatyp, onyń júksalǵyshynan eki qap qarasora esirtki zatyn tárkiledi, dep habarlaıdy QazAqparat Polisia.kz saıtyna siltememen.

Esirtkini zańsyz tasymaldaǵany úshin Túrkistan oblysynyń eki turǵyny ustaldy.

Avtokólik júrgizýshisiniń aıtýynsha, ustalǵandar ony inDriver qosymshasy arqyly taksı júrgizýshisi retinde Lýgovoı aýylyna deıin alyp barý úshin jaldaǵan. Saraptama nátıjesi boıynsha tárkilengen zat salmaǵy 10,5 keli bolatyn keptirilmegen marıhýana ekeni anyqtaldy. Kúdiktiler Jambyl oblysynyń ýaqytsha ustaý ızolıatoryna qamaldy.

Osy faktige baılanysty QK 296-babynyń 4-bóligi boıynsha sotqa deıingi tergep-tekserý bastaldy (Asa iri mólsherdegi esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý). Jaza úsh jyldan jeti jylǵa deıingi merzimge bas bostandyǵynan aıyrýdy kózdeıdi. Eger esirtkini saqtaý jáne tasymaldaý, ótkizý maqsatyndaǵy fakti tergeýmen dáleldense, onda múlki tárkilenip, jaza on jyldan on bes jylǵa deıin bas bostandyǵynan aıyrýdy quraıtyn bolady.

«Aǵymdaǵy jylǵy 1 maýsymnan bastap «Qarasora» arnaıy operatsııasy kezinde polıtsııa qyzmetkerleri temirjol kóliginde 44 esirtki qylmysyn anyqtady. Olardyń ishinde asa iri mólsherde esirtki ótkizýdiń úsh faktisi, kontrabandanyń bir faktisi jáne asa iri mólsherde esirtki saqtaýdyń eki faktisi bar», – dedi Kóliktegi polıtsııa departamenti bastyǵynyń orynbasary Erlan Jalmaǵambet.

Foto: polisia.kz