Túrkistan oblysynyń 40-tan astam polıtseıi marapattaldy
Oblystyq Polıtsııa departamentiniń májilis zalynda ótken sharada polıtsııa general-maıory Qaırat Dálbekov quttyqtaý sóz sóılep, Tuńǵysh Prezıdenttiń elimizdiń ósip-órkendeýi jolynda aıanbaı ter tókken qyzmeti qashanda halyq jadynda ekenin jetkizdi.
«Elbasymyz óz sózinde: «Quqyq qorǵaý organdarynyń jumysyna ózgerister engizý qajet. Ómir sapasy qaýipsizdikpen tikeleı baılanysty. Qylmyspen kúreskende ishki ister organdarynyń qyzmetkerleri aldyńǵy shepte júredi jáne ómirlerin qaterge tigedi...« dep tártip saqshylarynyń jumysyn baǵalady. Sondyqtan Tuńǵysh Prezıdentimizdiń tapsyrmasymen kúnnen kúnge qylmysty azaıtý men boldyrmaý jolynda qyzmet etip kelemiz. Aldaǵy ýaqytta budan da joǵary kórsetkishterdi kórsetý úshin árbirińizge artylǵan senimge selkeý túspeýi kerek. Kıeli óńirdiń tártip saqshysy ekenimizdi únemi sezinip, soǵan laıyq, adal ári jaýapty bolaıyq! Árqashan beıbit kúnde birlikte ómir súre bereıik!», - dedi Qaırat Dálbekov.
