Túrkistan oblysynda jastardyń jańa jobalaryna 1 mıllıon teńge beriledi

TÚRKІSTAN. QazAqparat- Túrkistan oblysynda jastardyń jańa jobalaryna 1 mıllıon teńgege deıin qaıtarymsyz grant beriledi, dep habarlaıdy QazAqparat tilshisi.

Bıylǵy jyldyń 26 shildesinen bastap jastardyń osal toptary arasynda pılottyq jobany iske asyrýǵa arnalǵan «Zhas project» granty iske qosyldy. Bul baǵytta Túrkistan oblysyna 63 grant bólinip otyr.

«Jobaǵa áleýmettik jobalary bar NEET sanatyndaǵy Túrkistan oblysynyń 18-29 jas aralyǵyndaǵy jastar qatysa alady. Ótinimder www.zhasproject-turkestan.kz saıtynda qabyldanady jáne bıylǵy 10 tamyzǵa deıin jalǵasady»,- dedi Túrkistan oblysy Jastar resýrstyq ortalyǵynyń dırektory Erasyl Tólebaev.

Aıta keteıik, joba - jumyssyz retinde tirkelgen jastarǵa, turmysy tómen jáne kópbalaly otbasyndaǵy 18 ben 29 jas aralyǵyndaǵylarǵa, ata-ana qamqorlyǵynsyz qalǵan jáne jetim balalarǵa, múgedektigi bar jastarǵa arnalǵan.