Túrkistan oblysynda jarapazan aıtýdan jarys ótti

TÚRKІSTAN. QazAqparat - Túrkistan oblysynyń jaramazanshylary Túlkibas aýdanynda bas qosyp, ózara myqtyny anyqtady, dep habarlaıdy QazAqparat.

Qasıetti Ramazan aıyna oraılastyrylǵan sharada salt dástúrimizben birge kele jatqan jarapazan dástúri keńinen nasıhattaldy.

Sharaǵa Túlkibas aýdany ákimi Nurlan Baıǵut, Túrkistan oblysynyń naıb ımamy Samat Anarbaev, aýdannyń bas ımamy M.Serik qatysty.

Baıqaý nátıjesinde bas júldeni túlkibastyq «Arsha» toby qanjyǵasyna baılady.

I oryndy Tólebı aýdanynan kelgen «Tólebı sazy» folklorlyq ansambli, II oryndy Otyrar aýdanynan kelgen «Otyrar» trıosy ıelense, III oryn Keles aýdanynyń ónerpazdaryna buıyrdy.

Al, aýdan ákiminiń arnaıy syılyǵy «Sozaq serileriniń» enshisinde ketti.

Jeńimpazdar men júldegerlerge qarjylaı syı-sııapat tabystaldy.

Jaramazan dástúrine saı ónerpazdar jınalǵan jurtqa aq batasyn berip, kópshiliktiń ystyq yqylasyna bólendi.