Túrkistan oblysynda zańsyz balyq aýlaǵan brakonerler ustaldy
Shardarada tabıǵatty qorǵaý polıtsııasynyń ınspektory, polıtsııa maıory Bekmuhambet Tengebaev jáne polıtsııa aǵa leıtenanty Qurmanǵazy Ábdiqalyqov Shardara sý qoımasynan brakonerler ustalǵany jóninde habarlama jasady.
Oqıǵa ornyna jetken jedel tergeý tobynyń qyzmetkerlerin 2 brakonerdiń sý qoımasyna balyq aýlaıtyn aý torymen zańsyz balyq aýlap jatqanyn anyqtady.
Aıǵaqty zattar tárkilenip alyndy. Kúdikti azamattar Shardara qalasynyń turǵyndary bolyp shyqty.
Polıtsııa qyzmetkerleri kúdiktilerdi istiń barlyq mán-jaıyn anyqtaý úshin aýdandyq polıtsııa bólimine jetkizdi.
Brakonerlerden 120 kelige jýyq balyq pen balyq aýlaý quraldary tárkilendi.
Qazirgi ýaqytta atalǵan jaıt QR QK-niń 335-baby 3-bóligi boıynsha sotqa deıingi tergeý amaldary júrgizilýde. Búgingi tańda 2 kúdikti azamat qolhatpen bosatylǵan.
Óz kezeginde Túrkistan oblysynyń polıtseıleri zańsyz balyq aýlaý, sondaı-aq Qyzyl kitapqa engizilgen janýarlar men ósimdikterdi joıý zań aıasynda jaýapqa tartylatynyn eske salady.