Túrkistan oblysynda túngi ýaqytta kóshede júrgen 300-ge jýyq jasóspirim jaýapqa tartyldy
Túrkistan oblysynda júrgizilgen reıdtik jumystar barysynda kámeletke tolmaǵandarǵa qatysty 400-ge tarta quqyq buzýshylyqty anyqtaldy. Atap aıtar bolsaq, túngi mezgilde kafeler men kóshelerdi aralaǵan polıtsııa qyzmetkerleri 365 jetkinshekti polıtsııa bólimine jetkizdi. Nátıjesinde, kámeletke tolmaǵandarǵa qatysty 385 ákimshilik quqyq buzýshylyq tirkeldi. Onyń ishinde QR ÁQBtK-niń 127-baby boıynsha (balalaryn tárbıeleý jónindegi mindetterin oryndamaǵan ata-analar) 16 derek, QR ÁQBtK-niń 132-baby boıynsha (túngi saǵat 22:00-den keıin oıyn-saýyq oryndarynda bolýyna jol bergen oıyn-saýyq oryndary) 13 quqyq buzýshylyq bar.
Sondaı-aq, kámeletke tolmaǵandarǵa temeki ónimin satý boıynsha 4 jaǵdaı, kámeletke tolmaǵandarǵa alkogol ishimdigin satý boıynsha 8 jaıt anyqtaldy. Túngi ýaqytta oıyn-saýyq oryndarynda bolǵan 35 jasóspirim QR ÁQBtK-niń 442-babynyń 1-bóligimen, al túngi ýaqytta zańdy ókilinsiz turǵyn úıden tys jerlerde júrgen 292 jasóspirim QR ÁQBtK-niń 442-babynyń 2-bóligimen jaýapqa tartyldy.
Іshki ister organdarynyń profılaktıkalyq esebine 76 jaǵdaı tirkeldi. Onyń ishinde 46-sy quqyq buzýshylyqqa beıim kámeletke tolmaǵan jasóspirim bolsa, 30-y qolaısyz otbasy retinde esepke alyndy.
«Qańtar aıynyń 30-y men aqpan aıynyń 1-i aralyǵynda «Jasóspirim» jedel-profılaktıkalyq is-sharasy ótkizilýde. Mundaǵy negizgi maqsat - kámeletke tolmaǵan jasóspirimderdiń mezgilsiz ýaqytta júrýin boldyrmaý, jastar qylmysy men quqyq buzýshylyqtyń aldyn alý jáne qylmysty azaıtý. Tártip saqshylary jasóspirimder men ata-analarǵa eskertý jasap, túsindirme jumystaryn júrgizdi. Túrkistan oblysynyń polıtseıleri kámeletke tolmaǵan jastardyń túngi ýaqytta kóshelerde, oıyn-saýyq keshenderinde, dúkender men qoǵamdyq oryndarda, turǵyn jaılardan tys jerlerde zańdy ókilinsiz júrýge bolmaıtyndyǵyn eskertedi» - delingen Túrkistan oblysy polıtsııa departamentiniń baspasóz qyzmeti taratqan aqparatta.
Foto: Túrkistan oblysy PD baspasóz qyzmeti
