Túrkistan oblysynda sanıtarlyq talaptar saqtamalǵan mektepterge 232 mln teńge aıyppul salyndy
Túrkistan oblysynyń sanıtarlyq-epıdemıologııalyq baqylaý departamenti tarapynan óńirdegi bilim berý obektileriniń sanıtarlyq jáne tehnıkalyq jaǵdaıyna turaqty túrde tekserý júrgizilip turady. Máselen, 2021-2022 oqý jylynda 702 mektep tekserýden ótken. Nátıjesinde, ashana máziri, oqý kestesin durys josparlaý, taza aýyz sý, jylý jáne jaryqpen qamtamasyz etýge qatysty birshama kemshilik anyqtalǵan.
«Jaýapty tulǵalarǵa 232 mln teńgege 614 aıyppul salynyp, uıǵarymdar berildi. Óńirdegi apatty jaǵdaıdaǵy tórt oqý ornynyń biri jańa ǵımaratqa kóshirildi, qalǵan obektiler boıynsha sheshimder jaqyn arada qabyldanady», - deıdi Túrkistan oblysy sanıtarlyq-epıdemıologııalyq baqylaý departamentiniń baspasóz hatshysy Ardaq Berden.
Sondaı-aq, QR Densaýlyq saqtaý mınıstriniń buıryǵyna sáıkes, balalar sanynyń tyǵyzdyǵyn boldyrmaý maqsatynda úsh aýysymda oqytatyn 11 mekteptiń biri eki aýysymǵa aýystyrylǵan.
Aıta keteıik, Túrkistan oblysynda 946 mektep bar.