Túrkistan oblysynda oqshaýlaý rejımin buzǵan 96 azamatqa aıyppul salynady
Túrkistan oblysynda «qyzyl» statýstaǵy 90 azamat, «sary» mártebedegi 6 azamat oqshaýlaý rejımin buzǵan. Qazirgi tańda 14 jeke tulǵaǵa jalpy sommasy 643 000 teńge aıyppul salynǵan. Qalǵan 76-azamatqa da jaqyn arada aıyppul salynbaq.
«Koronavırýs ınfektsııasymen aýyrǵan azamattar QR BMSD qoldanystaǵy qaýlysy boıynsha 10 kún úı karantıninde bolady. Sebebi, em qabyldap jatqan naýqastardy qoǵamdyq oryndarǵa jibermeý arqyly COVID-19 ınfektsııasynyń taralyp ketýine jol bermeý, kópshilik arasynda epıdemııany juqtyrýdyń aldyn alý mańyzdy bolyp tabylady»-deıdi Túrkistan oblysy sanıtarlyq epıdemıologııalyq baqylaý departamenti basshysynyń orynbasary B. Elemesov.
Al, departamenttiń dezınfektsııalyq jumystar boıynsha «Aýrýhanaishilik ınfektsııalardy baqylaý» bóliminiń basshysy M. Ahmetova karantındik sharalar jeńildetilgenmen bosańsýǵa bolmaıtyndyǵyn aıtty.
«Koronavırýs ınfektsııasy jas talǵap jatqan joq. Jasy da jasy eresekter de atalǵan dertke shaldyǵýda. Sondyqtan barynsha saqtyq sharalaryn ustaný kerek. Eki komponentti vaktsına saldyrǵandardy revaktsınatsııalanýǵa shaqyramyz»-dedi ol.
Aıta keteıik, oblysta vırýsqa qarsy ekpe egý jalǵasýda. Koronavırýsqa qarsy ekpeniń І komponenti 1 047 047 adamǵa, ıaǵnı, 100,1%, al ІІ komponenti 1 044 185 adamǵa salynǵan 304 425 adam revaktsınatsııalanǵan.
