Túrkistan oblysynda muǵalimder portal arqyly jumysqa qabyldanýda

TÚRKІSTAN. QazAqparat - Túrkistan oblysynda sybaılas jemqorlyqqa qarsy kúres kúsheıtilip, qala-aýdan ákimderi men basqarma basshylaryna qoıylatyn jaýapkershilik kúısheıtildi. Sebebi atqarylǵan jumystarǵa qaramastan ásirese, bilim salasynda jemqorlyq derekteri jıi kezdesip jatady, dep habarlaıdy QazAqparat tilshisi.

Oblystyq bilim basqarmasy basshysynyń orynbasary Ardaq Sadyqovanyń aıtýynsha, óńirde korrýptsııanyń aldyn alý úshin basqarma tarapynan birqatar qyzmetterdi tsıfrlandyrý sharalary qolǵa alynǵan. Máselen, mektepke deıingi bilim berý uıalaryna joldama berý jáne kezekke qoıý avtomattandyrylyp, 12 myńnan astam bala balabaqshaǵa ornalasqan.

ıAǵnı, adamı faktor azaıyp, ótinishter elektrondy túrde rettelgen. 902 orta mektep mektep.sitcen.kz júıesine qosylyp, oqýshylar osy arqyly mektepke qabyldanyp jatyr. Búginde 53031 oqýshy elektrondy túrde 1-synypqa qabyldanǵan. Sonymen qatar, 902 bilim uıasynda jumys.sitsen.kz júıesi engizilgen.  Qazirgi tańda atalǵan júıede 1571 pedagog pen tehnıkalyq qyzmetkerdiń bos jumys oryndary týraly habarlama jarııalanǵan. Endi ustazdarǵa dırektorǵa nemese basqalarǵa jolyqpaı, jumysqa ornalasý júrgizilýde.
 

«Qazirgi tańda jumys.sitcen.kz portaly arqyly 837 adam jumysqa ornalasqan. Júıege jalpy jumys izdeýshiler tarapynan qyzyǵýshylyq tanytyp, búgingi kúni 62 778 qoldanýshy tirkelip otyr. Sondaı-aq, 4632 jumysqa qabyldaý týraly ótinish kelip túsken. Sonymen qatar, 2019 jyldan bastap daryndy balalarǵa arnalǵan mamandandyrylǵan mektep-ınternattaryna qabyldaý mektep.sitcen.kz portaly arqyly júzege asyrylatyn bolady. Atalǵan júıede mektepke qabyldaý konkýrsyn ótkizý tolyq avtomattandyrylǵan», - dedi Ardaq Mádihanqyzy

Al, tehnıkalyq qyzmetkerlerdi jumysqa qabyldaýdy mektep dırektorynyń quziretinen alyp tastap, aýtsorsıngke ótkizý usynysy qarastyrylýda.

Aıta keterligi, aǵymdaǵy jyldap bastap kúni búginge deıin 594 000 sabaq qaralymy boldy. Oblystyq bıýdjetten tsıfrlyq bilim berý resýrstarymen qamtamasyz etý maqsatynda 1500 dana «Bilim Book» kompıýter-planshet shalǵaı aýyldaǵy 195 mektepke taratylyp, tsıfrlyq bilim berý resýrstaryna ınternetsiz qol jetkizýde. Aldaǵy jyly Túrkistan oblysynyń bilim salasynda pedagogtardyń attestatsııasyn jáne olardyń bilim jetildirý kýrstarynan ótýin avtomattandyrý, bilim uıymdaryndaǵy kitap qoryn paıdalanýdy jáne oqýshylardyń ystyq tamaqpen qamtylýyn avtomattandyrý júıeleri júzege asady dep josparlanýda. Mamandardyń pikirinshe, atalǵan joba bilim salasyndaǵy sybaılastyq zań buzýshylyqty toqtatatýǵa úlken serpin beredi.