Túrkistan oblysynda karantındik talaptar jeńildetildi
Túrkistan oblysynda sońǵy táýlikte koronavırýstyq ınfektsııany juqtyrǵan 17 jaǵdaı tirkeldi. Óńir epıdemologııalyq baǵalaý matrıtsasy boıynsha jasyl aımaqta bolǵandyqtan áleýmettik-ekonomıkalyq nysandar shekteýsiz jumys isteıdi. Bul týraly búgingi brıfıngte Túrkistan oblysynyń Bas sanıtarııalyq dárigeri Nurbek Nyshanov málimdedi.
«Qazirgi tańda epıd ahýal qubylmaly. Karantındik shekteý sharalary alynǵanymen kásipkerler tarapynan sanıtarııalyq talaptardy saqtaý kún tártibinen túsken joq. Oblysqa kórshi óńirler «qyzyl», «sary» deńgeıde bolǵandyqtan azamattardy karantın rejımderin saqtaýǵa shaqyramyz»-dedi Nurbek Sadyqbekuly.
Búginde óńirde revaktsınatsııa qarqyndy túrde júrgizilýde. Revaktsınatsııa ekpeniń alǵashqy 2 komponentin alǵan jandarǵa 6 aıdan soń salynady. Sonymen qatar, oblys kóleminde dári-dármektiń qosymsha qory jetkilikti.
