Túrkistan oblysynda ınternet-alaıaqtyqpen 31 turǵyn ustaldy
Seziktiler turǵyndardy aldap, atynan onlaın nesıe alyp kelgen. Jergilikti turǵyn belgisiz bireý kóligine minip, óziniń atynan bankten 1 mln 600 myń teńge nesıe alǵanyn aıtyp aryzdanǵan. Jedel izdestirý barysynda kúdikti Saryaǵash aýdanynyń jumyssyz turǵyny ekenin belgili boldy.
Ol kólik júrgizýshilerine baryp, óziniń týysy aqsha jiberetinin, al ony bankomattan shyǵaryp berýin suraǵan. Osylaısha óz aılasyn asyryp, 6 turǵyndy 6 mln teńge shyǵynǵa batyrǵan.
«Departament bastyǵynyń tapsyrmasymen qurylǵan top ınternet-alaıaqtyq qylmysymen aınalysqan jalpy 31 turǵyndy ustap, olardyń 56 ınternet-alaıaqtyq qylmysyna qatysy baryn dáleldegen. Máselen, bul toptyń jedel ýákilderi oblystyń birneshe turǵynyn aldap, olardyń atynan onlaın nesıe alǵan jas jigitti ustady. Naqtyraq aıtsaq, Túrkistan qalalyq polıtsııa basqarmasyna jergilikti turǵyn aryzdandy. Ol kóligine jolaýshy bolyp otyrǵan jas jigit áńgimege tartyp, senimine kirip, telefonyn surap alyp, ondaǵy bank qosymshasyn paıdalanyp, nesıe rásimdep jibergen. Qazirgi tańda kúdiktiniń isi aıyptaý aktisimen sotqa joldandy», - deıdi Túrkistan oblysy PD-niń aǵa jedel ýákili Ermek Shákim.
