Túrkistan oblysynda ınternet alaıaqtyq qylmys sany ósti

TÚRKІSTAN. QazAqparat - Túrkistan oblysynda bıylǵy jyldyń 10 aıynda ınternet alaıaqtyq qylmysynyń 334 deregi tirkeldi, dep habarlaıdy QazAqparat tilshisi.

Bul týraly Túrkistan oblysy polıtsııa departamenti Krımınaldyq polıtsııa basqarmasynyń jedel ýákili Maqsat Qalybaıuly aıtyp ótti.
«Ótken jyldarmen salystyrǵanda Túrkistan oblysynda ınternet alaıaqtyǵy 2,5 esege artyp otyr. Negizgi sebep - zamaný tehnıkalardyń artýy men tólemderdiń onlaın jasalýyna baılanysty kóbeıýde. Áleýmettik jelide jeke tulǵalardyń atynan akaýnttar ashyp, tanystarynan, týystarynan aqsha suraý, jarnamalyq saıttar arqyly aldyn ala tólem suratý jáne ózin bank qyzmetkeri retinde tanystyratyn alaıaqtar kóbeıgen. Sondyqtan turǵyndar jeke málimetterin jelige jarııalamaý kerek», - deıdi Maqsat Qalybaıuly.
Jalpy bıylǵy jyly ınternet alaıaqtyqqa qatysy bar 144 isi sotqa joldanǵan.