Túrkistan oblysynda 40220 adam «Pfizer» vaktsınasyn saldyrdy

TÚRKІSTAN. QazAqparat – Túrkistan oblysy «Pfizer» vaktsınasyn ekkender sanymen respýblıka boıynsha 2-orynda tur. Oblysta «Pfizer» vaktsınasyn jalpy sany 40220 adam saldyrdy, dep habarlaıdy QazAqparat tilshisi.

Qazirgi ýaqytta oblys boıynsha 12 jastan 18 jasqa deıingi 38500 jasóspirim, 4 004 júkti áıel jáne 2 989 emizýli ana «Pfizer» ekpesin aldy.

Mekemelerde profılaktıkalyq jumystardy júrgizý úshin barlyq jaǵdaı jasalǵan. Ekpe egetin medıtsına mamandary arnaıy oqytýdan ótken. Dárigerler de jasóspirimderdi medıtsınalyq tekserýden ótkizip, qarsy kórsetilimderi bolmaǵan jaǵdaıda ekpe egip jatyr.

«Pfizer» ekpesi 12-den 18 jasqa deıingi jasóspirimderge, júkti áıelder men laktatsııa kezeńindegi áıelderge erikti túrde salynýda. Profılaktıkalyq ekpe azamattardyń óz kelisimimen ǵana júrgiziledi. Al jasóspirimderdi vaktsınatsııalaý ata-anasynyń nemese zańdy ókiliniń kelisimimen júzege asyp jatyr.