Túrkistan oblysynda 2 qarashadan bastap meshitterde 5 ýaqyt namaz oqyla bastaıdy

NUR-SULTAN. QazAqparat - QR Premer-Mınıstri Asqar Mamınniń tóraǵalyǵymen el aýmaǵynda koronavırýs ınfektsııasynyń taralýyna jol bermeý jónindegi Vedomstvoaralyq komıssııanyń (VAK) selektorlyq otyrysy ótken bolatyn. Onda komıssııa meshit jumysyna qatysty sheshim qabyldady, dep habarlaıdy QazAqparat.

Qabyldanǵan sheshim boıynsha aǵymdaǵy jyldyń 2 qarashasynan bastap (juma namazyn qospaǵanda) meshitterde ujymdyq namaz (bes ýaqyt namaz) ótkizýge ruqsat berildi. Alaıda meshitte 100 adamnan artyq kisi bolmaýy kerek. Sondaı-aq, adamdar betperdelik rejımmen 2 metr áleýmettik araqashyqtyqty saqtaýlary qajet. Qazaqstan musylmandary dinı basqarmasy meshitke kelýshi jamaǵatty sanıtarlyq-dezınfektsııalyq rejımdi qatań saqtaýǵa shaqyrady.

Túrkistan oblysy boıynyń bas ımamy Musabek Aqtamberdi karantın jaǵdaıyna baılanysty ázirshe juma namazy oqylmaıtynyn habarlaıdy. Budan ózge, meshit qyzmetkerleri men kelýshiler mindetti túrde betperdemen júrýi mindetti. Barlyq meshitterdiń namaz oqıtyn, quran oqıtyn bólmelerinde antıseptıkalyq quraldarmen qamtamasyz etiledi. Meshitke jeke qulshylyqqa kelgen azamattardyń meshitte uzaq ýaqyt bolmaýy kerek. Meshit dárethanalary karantın rejımi aıaqtalǵansha jabyq turatyn bolady.