Túrkistan oblysyna 200-den astam dáriger qajet
Óńirde beıindi mamandar arasynda 258 maman jetispeıdi.
Atap aıtar bolsaq, anestezıolog-reanımatolog, oftolmolog, lor, kardıohırýrg, travmatolog, kardıolog, nevrpatolog, nefrolog, onkolog, patologoanatom, radıolog, neonatolog, jedel járdem dárigeri sekildi kadrlar tapshy.
«Ana men bala densaýlyǵyn saqtaý, aýyldaǵy medıtsınany jaǵdaıdy jaqsartý, áleýmettik mańyzy bar aýrýlardy tómendetý sııaqty máseleler asa mańyzdy. Ulttyq jobadaǵy josparlardy júzege asyrýǵa tolyq múmkindik bar. Medıtsınalyq kómektiń sapasy men qoljetimdiligine basa nazar aýdarý qajet. Aldyn alý jumystary boıynsha halyqqa túsindirme jumystary der kezinde jetkizý kerek», - dedi oblys ákimi Darhat Satybaldy.
«Deni saý ult» ulttyq joba aıasynda ótken jyly medıtsınalyq nysany joq aýyldyq eldi-mekenderde 11 medıtsınalyq pýnkt qurylysy júrgizilip, paıdalanýǵa berildi.
2023 jylǵa 16 nysannyń qurylysy josparlanǵan.
Májiliste jas mamandardy jumysqa tartý úshin dárigerlerge qoldaý kórsetip, yntalandyrý máselesi talqylandy.
«Búgingi tańǵa oblys boıynsha jalpy 24 597 medıtsına qyzmetkerleri bar. Onyń ishinde 5 481 dáriger 19 116 orta býyndy medıtsınalyq qyzmetkerler quraıdy. Qazirgi tańda 258 beıindi dárigerlerge degen tapshylyq oryn alýda. Onyń birden bir sebebi - rezıdentýrada oqytý merziminiń uzaqtyǵy deýge bolady. Tapshylyqty joıý maqsatynda 2023 jyly jergilikti bıýdjet esebinen birinshi ret 60 grant bólindi»,-dedi Túrkistan oblysynyń densaýlyq saqtaý basqarma basshysy Ashan Baıdývalıev.
