Túrkistan oblysy Ózbekstannyń úsh oblysymen memorandým jasasty
Basqosýda Túrkistan oblysynyń ákimi Janseıit Túımebaev pen Jızaq oblysynyń ákimi Ergash Salıevpen eki el arasyndaǵy saýda-ekonomıkalyq jáne ınvestıtsııalyq yntymaqtastyqty nyǵaıtý jaıyn talqylady.
«Qazirgi tańda, oblysymyzda ınvestıtsııalyq jobalardy jáne kásipkerlikti júzege asyrý boıynsha qolaıly jaǵdaı jasalǵan. Klımaty aýyl sharýashylyǵyna yńǵaıly aımaqta egin men mal sharýashylyǵyna basymdyq berilgen. Sońǵy 3 jylda baqsha ónimderi 1 mln tonnaǵa artty. Respýblıkadaǵy jylyjaılardyń 90 paıyzy bizdiń aımaqqa tıesili. Maqtanyń 100 paıyzy Túrkistan óńirinde óndiriledi. Osy rette, ózderińizdi birlesken túrde ınvestıtsııalyq jobalardy júzege asyrýǵa shaqyramyn. Bizdiń oblysta jumys isteýge nıetti ózbek kompanııalaryna barynsha qoldaý kórsetetinimizdi aıtqym keledi», - dedi Janseıit Túımebaev.
Óz kezeginde Jızaq oblysynyń ákimi aıtylǵan usynystarǵa rızashylyǵyn bildirip, birge jumys isteýge múddeli ekenin jetkizdi.
Sondaı-aq, atalǵan forým sheńberinde qos eldiń birqatar óńirleri de memorandýmǵa qol qoıdy. 13 qujatqa Túrkistan oblysynan basqa, Qaraǵandy, Shyǵys Qazaqstan, Qostanaı óńirleriniń jáne Astana, Almaty, Shymkent qalalarynyń basshylyǵy qol qoıdy.
Aıta keteıik, ótken jyly Ózbekstan Respýblıkasyndaǵy birqatar oblystarmen yntymaqtastyq týraly memorandým jasaǵan bolatyn. Osy qujattar barysynda jyldan jylǵa eki oblystyń saýda-ekonomıkalyq baılanysy jaqsaryp keledi. Jalpy eki el 27 jyl ishinde ózara birqatar kelisim jasasqan. Sonyń eń bastylary «Máńgilik dostyq» jáne «Strategııalyq seriktes» týraly sharttary. Osy qujattar negizinde búgingi kúni Qazaqstanda 800-den astam kásiporyn ózbek kapıtalynyń qatysýymen jumysyn istep keledi.
