Túrkistan oblysy meshitterinde juma namazy oqylatyn boldy

TÚRKІSTAN. QazAqparat - Naýryz aıynan bastap respýblıkadaǵy jasyl aımaqta turǵan barlyq óńirlerde juma namazyna oqýǵa ruqsat etildi, dep habarlaıdy QazAqparat tilshisi.

Sondyqtan, Túrkistan oblysynyń aýmaǵyndaǵy meshitterde 5-naýryzdan bastap jamaǵatpen juma namazy oqyla bastaıdy.

Oblystyń bas ımamy Erkebulan Qaraqulovtyń aıtýynsha, jamaǵatpen qulshylyq rásimin jasaý úshin meshitter 30 paıyz ǵana toltyrylady.

«Medıtsınalyq maska taǵý, dinı joralǵy kezinde sapqa turǵanda araqashyqtyqty saqtaý talap etiledi. Jalpy, óńirdegi barlyq 750 meshitte zalalsyzdandyrý jumysynyń júrgizilýi qadaǵalanady. Ýaǵyz oqylmaı, tek paryz namazy ǵana oryndalady. Dárethanalar karantın talaptaryp saqtaı otyryp ashylady. Jurtshylyqty karantın sheginen shyqpaı, talapty oryndaýǵa shaqyramyz», - dedi Erkebulan Ybraıymuly.

Sondaı-aq, din ókilderi janaza jáne jerleý rásimine qatysýshylar sanyn 50 adamnan asyrmaý qajettigin jetkizdi.

Al, indet órshigen jaǵdaıda juma namazyn oqý toqtatylady.