Túrkistan oblysy Keles aýdanynyń eki aýylyna gaz tartyldy

ASTANA. QazAqparat - «QazaqGaz» ulttyq kompanııasynyń enshiles kásiporny – «QazTransGaz Aımaq» AQ Túrkistan oblysy Keles aýdany Báıterek jáne Jambyl-2 eldimekenderin tabıǵı gazǵa qosty, dep habarlaıdy QR Energetıka mınıstrliginiń baspasóz qyzmeti.

Turǵyn úılerge gaz jetkizý saltanatyna «QazTransGaz Aımaq» AQ Bas dırektory Baýyrjan Asqarov, Túrkistan oblystyq energetıka jáne TÚKSh basqarmasy basshysynyn orynbasary Roza Sarıeva, Keles aýdanynyń ákimi Jánibek Aǵybaev, BAQ ókilderi men aýyl turǵyndary qatysty.

Tabıǵı gazdy bul aýyldarǵa jetkizý úshin Ǵanı Muratbaev atyndaǵy gaz taratý stantsııasynan (GTS) 25 shaǵyrymnan asa gaz qubyry tóseldi sonyń arqasynda 544 turǵyn úıdi tabıǵı gazǵa qosý múmkindigi bar.

Turǵyndardy búgingi qýanyshymen quttyqtaǵan «QazTransGaz Aımaq» AQ Bas dırektory Baýyrjan Asqarov, gaz mamandarynyń basty mindeti – ár shańyraqqa jylý men qýanysh syılaý ekenin atap ótti.

Gaz mamandary tutynýshylarǵa tabıǵı gazdy paıdalaný kezinde qaýipsizdik sharalaryn saqtaý men gazdy únemdi paıdalaný erejeleri jazylǵan eskertpe-paraqshalaryn taratty.