Túrkistan oblystyq sotynyń tóraǵasy azamattardyń aryz-shaǵymdaryn tyńdady
Qabyldaýdyń júrip jatqandyǵyn tikeleı efırdegi áleýmettik jeli arqyly habardar bolyp, arnaıy kelgenderde boldy. Sot tóraǵasynan kómek surap kelgenderdiń biri Kamshat Absattarova qaýyn satqany úshin kináli bolyp, ishki ister salasynyń qyzmetkerlerimen sottasyp júrgendigine shaǵymdandy. Al, Taır Abdýalıev pen Akramjan Abdýalı júkti áıelin uryp ketken azamattarǵa quzyrly organdar eshqandaı shara qoldanbaı otyrǵandyǵyn sóz etti. Sol sııaqty Anýarbek Isabekov degen azamat kásibine keltilirgen shyǵyndarǵa ótemaqy ala almaı júrgendigine aryzdansa, túrkistandyq Ǵalymjan Joldasbekov jumystan bosatý jónindegi sot sheshimimen kelispeıtinin aıtty. Kentaý qalasynyń turǵyny Roza Qıqymbaeva sotqa ótip ketken nesıesi boıynsha suraq qoıdy.
Óz kezeginde Talǵat Baratbekov turǵyndar tarapynan aıtylǵan barlyq máselelerdi muqııat tyńdady. Árbir aryz-shaǵymǵa keń kólemde jaýap berip, keńesin aıtty. Keı máselelerdiń sheshilýin óz baqylaýynda ustaıtyndyǵyn sóz etip, arnaıy jazyp aldy. Sot salasyna qatysty joq jaǵdaılardy quzyrly organ basshylary arqyly baılanys ornatyp, talqylaıtyndyǵyn atap ótti. Sondaı-aq, qoǵamdyq qabyldaýǵa kelýshilerge sot sheshimderiniń oryndalýy, sot saraptamanyń jasalýy, sot sheshimimen kelispegen jaǵdaıda oǵan shaǵymdaný tártibi boıynsha keńester berildi.
Jalpy qoǵamdyq qabyldaýǵa 12 adam keldi. Olardyń barlyǵynyń shaǵymdary «Nur Otan» partııasy Túrkistan oblystyq fılıalynyń turaqty baqylaýyna alyndy. Az ǵana ýaqytta bılik pen buqarany toǵystyratyn alańǵa aınalyp úlgergen «Nur Otan» partııasy Túrkistan oblystyq fılıalynyń «Open Space» formatyndaǵy qoǵamdyq qabyldaýy aldaǵy ýaqytta da jalǵasyn tabady.
