Túrkiniń ortaq tarıhnamasy jańadan zerdelenbek
Sharany Q.A.ıAsaýı atyndaǵy Halyqaralyq qazaq-túrik ýnıversıtetimen birge Sh.Ýálıhanov atyndaǵy Tarıh jáne etnologııa ınstıtýty uıymdastyryp otyr.
Halyqaralyq semınarǵa birqatar memleketterden bilikti tarıhshylar qatysyp, Ortalyq Azııa jáne jalpy túrki tarıhyn zertteýdegi ózekti máseleler boıynsha baıandamalar jasady.
Sharanyń negizgi uıymdastyrýshysy bolyp tabylatyn Eýrazııalyq ǵylymı-zertteý ınstıtýtynyń (HQTÝ) dırektory Nevzat Shımshek jıynnyń maqsaty - ortaq túrki tarıhyn birlese zertteýdiń negizin qalaý ekenin atap ótti.
«Osynaý semınar-praktıkýmdy uıymdastyrýymyzdyń negizgi maqsaty - tarıhnamamyzda jazý úrdisinde ótkergen keshegi tarıhymyzda jiberip alǵan qatelerimiz ben kemshiligimizdi anyqtap, oı men sana bıiginde birbirimizge jaqyndaý úshin tarıhı turǵydan atqarylatyn maqsattar men ustanymdarymyzdy aıqyndaý bolyp tabylady. Qazirgi kezde ondaı kemshilikterimiz joq emes. Sondaqtan da, ortaq túrki tarıhy jańadan zerdelenip, jańasha ustanymda zerttelýi kerek» dedi ol.
Halyqaralyq semınar-praktıkýmǵa qatysýshylar qoldanystaǵy jáne jańadan aıqyndalǵan muraǵat derekteri negizinde Ortalyq Azııanyń tarıhyn zertteýdiń ádistemelik máselelerin talqylap, atalǵan salanyń aldaǵy damýyndaǵy basym mindetter jaıynda oı bólisti. Sondaı aq, shetel muraǵattaryndaǵy derekterdi paıdalanýdyń mańyzy da nazardan tys qalǵan joq.
Jalpy semınar-praktıkým atalǵan aımaqtyń áleýmettik tarıhyn zertteýdiń negizgi máselelerinen bastap, saıası úderisterdiń Ortalyq Azııa tarıhnamasynyń qalyptasýyna yqpaly, olardyń qazirgi áleýmettik-ekonomıkalyq jáne qoǵamdyq-saıası qubylystarmen ózara baılanysyna deıingi aýqymdy taqyrypty qamtydy.
Esterińizge salaıyq, byltyr jyl sońynda Memleket basshysynyń tóraǵalyǵymen ótken alqaly jıyndardyń birinde Elbasy Nursultan Nazarbaev 2015 jyldyń qazan aıynda Qazaq handyǵynyń 550 jyldyq mereıtoıy respýblıka kóleminde atalyp ótetinin málimdegen bolatyn. Sol ýaqyttan beri ult tarıhy tereńirek zerttele bastady. Otandyq ǵalymdar bastaǵan ekspedıtsııalyq toptar alys-jaqyn shetelderdegi mýzeıler men arhıvterde bolyp, Qazaq handyǵynyń qurylýyna qatysty jáne sonaý saq-ǵun kezeńinen beri kıeli Qazaq dalasyn mekendegen barlyq rýlar men taıpalardyń, memleketterdiń tarıhyna qatysty tyń derekterdi izdep, kópshiligi elge oljamen oraldy. Sonymen qatar, respýblıka aýmaǵyndaǵy ortaǵasyrlyq qalalar mańynda da arheologııalyq jumystar qaıta jandanyp, Qazaq handyǵyna qatysty jańa derekter tabyldy.
