Túrkimenstan aldaǵy jyly 1.6 mln. tonna bıdaı alýdy josparlap otyr

ASTANA. QazAqparat - 2015 jyly Túrkimenstanda 1.6 mln tonna bıdaı astyq alý josparlandy, dep habarlady trend.az saıty eldiń Aýyl sharýashylyǵy mınıstrligine silteme jasaı otyryp.

Naqtyraq aıtqanda, Ahal oblysy 450 myń tonna, Dashogýz 300 myń tonna, Lebap ýálaıaty 350 myń tonna, Mary ýálaıaty 380 myń tonna, Balqanda 120 myń tonna astyq alý maqsat etilgen.

«Neıtralnyı Týrkmenıstan» gazetiniń senbi kúngi shyǵarylymynda «860 myń gektardy quraıtyn barlyq egis alqaptarynda egin salý naýqany aıaqtaldy», dep jazdy.

«Búgingi tańda barlyǵy 730 myń gektardan astam jerge bıdaı sebilgen, bul barlyq egis alqabynyń 85 paıyzyn quraıdy. Kúndelikti 12 200 (1.5 paıyz) gektarǵa bıdaı sebiledi», - delingen maqalada.